1.18 Ano ang iba’t ibang bahagi ng Bagong Tipan?
Ang Bagong Tipan ay naguumpisa sa mga Ebanghelyo: ang pangangaral ng apat na ebanghelista na sina Mateo, Marcos, Lucas, at Juan tungkol sa buhay, pagkamatay, at muling pagka-buhay ni Hesus. Ang pangalawang bahagi ay binubuo ng Mga Gawa ng Mga Apostol, na isinulat ng ebanghelistang si Lucas: nilalarawan ng aklat na ito ang sinaunang kasaysayan ng Simbahang Kristiyano.
Ang ikatlong bahagi ng Bagong Tipan ay naglalaman ng 21 sulat nina Santo Pablo, Santiago, Pedro, Juan, at Judas. Ang huling bahagi ay ang Aklat ng Kapahayagan o Apokalipsis. Dito, inilalarawan ni Juan ang kanyang mga pangitain ukol sa katapusan ng sanlibutan [>1.49], kabilang ang mga makasagisag na paglalarawan ng Huling Paghuhukom at makalangit na Jerusalem [>1.45].
What is the Canon of Scripture?
The Canon of Scripture is the complete list of the sacred writings which the Church has come to recognize through Apostolic Tradition. The Canon consists of 46 books of the Old Testament and 27 of the New. [CCCC 20]
Ano ang kahalagahan ng Bagong Tipan para sa mga Kristiyano?
Sa Bagong Tipan ay makikita ang kaganapan ng Pagbubunyag ng Diyos. Ang apat na Ebanghelyo ayon kina Mateo, Marcos, Lucas at Juan ay ang puso ng Banal na Kasulatan at ang pinakamahalagang kayamanan ng Simbahan. Ipinapakita sa mga ito ang Anak ng Diyos, kung ano Siya at kung paano Niya tayo nakatagpo. Matututunan natin sa Mga Gawa ng mga Apostol ang pagsisimula ng Simbahan at mga gawa ng Espiritu Santo. Sa Aklat ng Pagbubunyag makikita natin ang katapusan ng panahon.
Si Jesus ang lahat ng nais sabihin sa atin ng Diyos. Isang paghahanda para sa pagkakatawang tao ng Anak ng Diyos ang buong Matandang Tipan. Kay Jesus makikita ang pagsasakatuparan ng lahat ng pangako ng Diyos. Ang maging Kristiyano ay nangangahulugan ng mas malalimang pagkakaisa sa buhay ni Kristo. Dapat basahin at isabuhay ang mga Ebanghelyo para sa layuning ito. Sinabi ni Madeleine Delbrêl, “Sa pamamagitan ng Kanyang Salita, sinasabi sa atin ng Diyos kung ano Siya at ano ang ninanais Niya; sinasabi Niya ito nang tiyak at sinasabi Niya ito sa bawat araw. Kapag hawak natin ang Ebanghelyo sa ating mga kamay, kinakailangan nating isipin na nabubuhay rito ang Salita na nais magkatawang tao sa atin, na nais tayong kapitan upang panibago nating masimulan ang Kanyang buhay sa isang panibagong lugar, isang panibagong panahon, isang panibagong kapaligiran ng tao.”
[Youcat 18]
Ang Bagong Tipan ... ay nagpapakita ng misteryo sa paskwal na naaayon sa banal na Banal na Kasulatan at bilang kanilang pinakamalalim na katuparan. Si Saint Paul, sa Unang Liham sa Mga Taga Corinto, ay nagsasaad na si Hesukristo ay namatay para sa ating mga kasalanan "alinsunod sa mga Banal na Kasulatan" (15: 3) at siya ay bumangon sa ikatlong araw "alinsunod sa mga Banal na Kasulatan" (15: 4 ). Kung gayon ay naiugnay ng Apostol ang kaganapan ng kamatayan at muling pagkabuhay ng Panginoon sa kasaysayan ng Lumang Tipan ng Diyos sa kanyang mga tao. [Pope Benedict XVI, Verbum Domini, n. 13]
